90%India ki around 90% population English theek se nahi samajhti
63.6%Log Tier - 2/3 shehron aur gaon mein rehte hain
1 in 5Log low self-esteem se joojh rahe hain
7–8 saal India ke bahar badi companies ke saath kaam karke jab main Bharat wapas aaya, toh maine HNI clients - businessmen, politicians, C-level executives - ko train kiya. Paisa aur exposure accha tha. Par jab maine kuch chhote shehron ke logon ko train kiya, tab samajh aaya - inki bhookh utni hi badi hai, par inhe sahi mentorship nahi mil rahi.
Soft skills aur mindset ki baat karne wala door door tak koi nahi. Jab yeh log aage badhne ki sochte hain, toh ek hi zariya milta hai - self-help books. Par woh English aur western examples par based hoti hain, jinse yeh relate nahi kar paate, aur padhna chhod dete hain. Unki growth ki journey ghar ke kisi kone mein, ek show-piece banker ruk jaati hai.
"Cultural pressure, parenting, competition, aur social media ki jhoothi duniya - har roz unki self-worth ko challenge karti hai."
Isi gap ko bridge karne main - Jai Pareek, aapka bhai - yeh kitaab leke aaya hoon. Mera sapna: kam se kam 10 lakh small-towners tak pohochna. Level Up Bharat ek soch nahi — ek mission hai. Aur main yeh akela nahi kar sakta. Mujhe aapka saath chahiye.
